Մատենադարանի տնօրենի թափուր պաշտոնը զբաղեցնելու համար միայն մեկ դիմում է ներկայացվել

ԵՐԵՎԱՆ, 1 ՄԱՐՏԻ, ԱՐՄԵՆՊՐԵՍ: «Մատենադարան» Մեսրոպ Մաշտոցի անվան հին ձեռագրերի գիտահետազոտական ինստիտուտ» հիմնադրամիտնօրենի թափուր պաշտոնը զբաղեցնելու համար դիմում է ներկայացրել Մատենադարանի տնօրենի ժամանակավոր պաշտոնակատար Վահան Տեր-Ղևոնդյանը:

Այդ մասին «Արմենպրես»-ին տեղեկացրին Մատենադարանի հասարակայնության հետ կապերի բաժնից:

«Մատենադարան» Մեսրոպ Մաշտոցի անվան հին ձեռագրերի գիտահետազոտական ինստիտուտ» հիմնադրամի հոգաբարձուների խորհուրդը հայտարարել էր բաց մրցույթ «Մատենադարան» Մեսրոպ Մաշտոցի անվան հին ձեռագրերի գիտահետազոտական ինստիտուտ» հիմնադրամի տնօրենի թափուր պաշտոնը զբաղեցնելու համար։

Տնօրենի թափուր պաշտոնի մրցույթին դիմումներն ու փաստաթղթերն անհրաժեշտ էր ներկայացնել մինչև2018 թվականի փետրվարի 23-ը (ներառյալ):

Մրցույթը տեղի կունենա 2018-ի մարտի 6-ին, ժամը 11:00-ին, «Մատենադարան» Մեսրոպ Մաշտոցի անվան հին ձեռագրերի գիտահետազոտական ինստիտուտ» հիմնադրամի գիտական մասնաշենքում։