Արմեն Սարգսյանը Լիբանանում կհանդիպի Արամ Ա կաթողիկոսի հետ

ԵՐԵՎԱՆ, 24 ՓԵՏՐՎԱՐԻ, ԱՐՄԵՆՊՐԵՍ: Հայաստանի հանրապետական կուսակցության կողմից ՀՀ նախագահի թեկնածու առաջադրված Արմեն Սարգսյանը փետրվարի 24-ին ժամանել է Լիբանան: Ինչպես հաղորդում է «Արմենպրես»-ը, այս մասին հայտնում է Մեծի Տանն Կիլիկիո կաթողիկոսարանի տեղեկատվական բաժանմունքի վարիչ Պետրոս վարդապետ Մանուելյանը:

«ՀՀ նախագահի թեկնածու Արմեն Սարգսյանը ժամանեց Լիբանան՝ հանդիպում ունենալու Սուրբ Աթոռի գահակալ Ն.Ս.Օ.Տ.Տ. Արամ Ա կաթողիկոսի հետ: Ժամեր անց նա պետք է այցելի Սփյուռքի հայության ազգային և հոգևոր կենտրոն՝ Անթիլիասի Մայրավանք»,- նշել է նա:

«Հայաստանի Հանրապետական կուսակցություն» և «Հայ Յեղափոխական Դաշնակցություն» խմբակցությունների պատգամավորները, «Ազգային ժողովի կանոնակարգ» սահմանադրական օրենքի 139-րդ հոդվածի 5-րդ մասի համաձայն, փետրվարի 23-ին Հանրապետության նախագահի թեկնածու են առաջադրել Արմեն Վարդանի Սարգսյանին: