1 րոպեի ընթերցում
ԵՐԵՎԱՆ, 30 ՀՈՒՆՎԱՐԻ, ԱՐՄԵՆՊՐԵՍ: Հայաստանի ֆուտբոլի ազգային թիմի և Եկատերինբուրգի «Ուրալ»-ի պաշտպան Վարազդատ Հարոյանը մասնակցել է Մոսկվայի «Արարատ»-ի հետ ընկերական խաղին:
«Արմենպրես»-ի հաղորդմամբ` այս օրերին թե՛ Մոսկվայի «Արարատ»-ը, թե՛ Եկատերինբուրգի «Ուրալ»-ը ուսումնամարզական հավաք են անցկացնում Կիպրոսում: Ընկերական խաղում «Ուրալ»-ը 2:1 հաշվով հաղթել է «Արարատ»-ին: Հայաստանի ազգային թիմի պաշտպան Վարազդատ Հարոյանը մասնակցել է ամբողջ խաղին: Իսկ ազգային թիմի մեկ այլ ֆուտբոլիստ` Էդգար Մանուչարյանը հանդիպմանը չի մասնակցել: