1 րոպեի ընթերցում
ԵՐԵՎԱՆ, 26 ՀՈՒՆՎԱՐԻ, ԱՐՄԵՆՊՐԵՍ: «Մանչեսթեր Յունայթեդ»-ի պորտուգալացի գլխավոր մարզիչ Ժոզե Մոուրինյոյի կարծիքով, Մխիթարյանն «Արսենալ»-ում ավելի լավ հանդես կգա:
«Ես հավատում եմ, որ Մխիթարյանը ավելի լավ հանդես կգա «Արսենալ»-ում: Մոտ 1,5 տարի հարմարվում էր Անգլիային: Ուրախ եմ Միկիի համար: Գուցե ես կարող էի ավելի մեծ օգուտ քաղել նրա տաղանդից, սակայն ոչ մի բանի համար չեմ ափսոսում: Նա «Մանչեսթեր Յունայթեդ»-ի պատմության մեջ մտավ»,-«Արմենպրես»-ի հաղորդմամբ` նման կարծիք է հայտնել Մոուրինյոն:
Հայաստանի ազգային թիմի ավագ Հենրիխ Մխիթարյանը «Մանչեսթեր Յունայթեդ»-ից տեղափոխվել է «Արսենալ», իսկ «զինագործներից» մանկունյանական ակումբ է տեղափոխվել չիլիացի հարձակվող Ալեքսիս Սանչեսը: Ըստ «Արսենալ»-ի պաշտոնական կայքի` Մխիթարյանը լոնդոնյան ակումբի հետ երկարաժամկետ պայմանագիր է ստորագրել: