1 րոպեի ընթերցում
ԵՐԵՎԱՆ, 23 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանում տեղակայված ռուսական ռազմակայանի հետախուզության տեխնիկական միջոցների ստորաբաժանման սպառազինությունը համալրվել Է ռուսական արտադրության «Ռադիոլամպ» ժամանակակից համալիրներով:
Այդ մասին «Արմենպրես»-ին տեղեկացրել են ՌԴ Հարավային ռազմական օկրուգի մամուլի ծառայությունում: Արդեն ուսուցման ձմեռային շրջանի սկզբին նոր համալիրները կսկսեն զորամիավորման հրամանատարությանը հետախուզական տվյալներով ապահովել «Կամխուդ» եւ «Ալագյազ» բարձրլեռնային զորափորձարաններում մարտավարական եւ հատուկ մարտավարական վարժանքների ընթացքում:
Մամուլի ծառայությունը նաեւ նշել Է, որ ռուսական զորամիավորման մարտական մեքենաների հավաքակազմերը շարունակում են վերազինվել ժամանակակից նմուշների ավիացիոն ռազմական ու հատուկ թրթուրավոր եւ թրթուրավոր զրահատանկային տեխնիկայով: Ընթացիկ տարում Երեւանի եւ Գյումրիի կայազորների զորամասերում նոր սպառազինության բաժինը ավելացել Է մինչեւ 60 տոկոս: