Մահացել է փորձագետ Ռիչարդ Կիրակոսյանը

Ստամբուլում 61 տարեկանում մահացել է քաղաքական և ռազմական վերլուծաբան, փորձագետ, Տարածաշրջանային հետազոտությունների կենտրոնի տնօրեն Ռիչարդ Կիրակոսյանը։ 

«Արմենպրես»-ի հաղորդմամբ` այս մասին X-ի իր էջում գրել է Միջազգային ճգնաժամային խմբի Թուրքիայի և Կիպրոսի հարցերով գրասենյակի տնօրեն Նիգյար Գյոկսելը։

«Նրա բացակայությունն ահռելի դատարկություն կթողնի փոքրիկ այն աշխարհում, որը մենք կիսել ենք ավելի քան երկու տասնամյակ», - գրել է Գյոկսելը։

I have known Richard Giragosian since at least 2006. We shared countless panels and argued in cafés about Turkey- Armenia-Azerbaijan issues across Western Europe, Turkey, Armenia and Georgia throughout my 30s and 40s. Yet somehow, the only photos I could find of us together are from webinars. We were always too busy debating ideas to take photos. And perhaps, given our backgrounds, we were both a little guarded. We had many divergences, but we kept coming back to each other. There was always a baseline of mutual understanding, and seemingly an assumption that the other would always be there — and always be relevant. I am so sad that Richard died in Istanbul today. I always assumed he would be there, and that we would continue the dialectic. His absence leaves a huge void in the small world we shared for more than two decades. It also leaves a personal gap in my own history. Rest in peace, Richard. To borrow one of your classic lines at the end of a panel: the conclusion is that there is no conclusion. @Richard_RSC

— Nigar Göksel (@nigargoksel) September 19, 2026

Ռիչարդ Կիրակոսյանը հոսպիտալացվել էր Ստամբուլում սեպտեմբերի 18-ին։ 

Կիրակոսյանը Ստամբուլ էր մեկնել գործնական հանդիպման մասնակցելու նպատակով, սակայն վերջին շաբաթվա ընթացքում նրա ինքնազգացողությունը վատացել էր։ Նրա մոտ արձանագրվել էր ուղեղային արյունազեղում։

Վերջին երկու օրը Ռիչարդ Կիրակոսյանը գտնվում էր Օքմեյդանիի պրոֆ. դոկտոր Ջեմիլ Թաշչըօղլուի անվան հիվանդանոցի վերակենդանացման բաժանմունքում։ 

Ռիչարդ Կիրակոսյանը ծնվել է 1965 թ. հունվարի 8-ին ԱՄՆ Փրովիդենս քաղաքում։ Աշխատել է Ամերիկյան կոնգրեսում, «Ազատություն» ռադիոկայանի Եվրոպական կենտրոնակայանում, Ջեյնս ինֆորմեյշն գրուպում և այլն։ 

2000-ական թթ. սկզբներին տեղափոխվել է Հայաստան։ 2009 թ. փետրվարից մինչև 2011 թ. մարտ ամիսը զբաղեցրել է Ռազմավարական և ազգային հետազոտությունների հայկական կենտրոնի տնօրենի պաշտոնը։ 2011 թ-ի ապրիլից նա ղեկավարել է, իր իսկ կողմից ստեղծված, Տարածաշրջանային հետազոտությունների կենտրոնը (ՏՀԿ)։