398.88
2018 թվականի ապրիլից հետո Սերժ Սարգսյանը շարունակելու է մնալ երկրի ամենացայտուն քաղաքական գործիչներից մեկը. Վահրամ Բաղդասարյան
1 րոպեի ընթերցում
ԵՐԵՎԱՆ, 9 ՀՈԿՏԵՄԲԵՐԻ, ԱՐՄԵՆՊՐԵՍ: Լինելով քաղաքական մեծամասնության լիդերը՝ Սերժ Սարգսյանն այսպես թե այնպես մնալու է քաղաքական ասպարեզում եւ լինելու է երկրի ամենացայտուն քաղաքական գործիչներից մեկը: «Արմենպրես»-ի հաղորդմամբ՝ Ազգային ժողովում պատասխանելով լրագրողների հարցին, թե ինչով է զբաղվելու նախագահ Սերժ Սարգսյանը 2018 թվականի ապրիլից հետո՝ այս մասին ասաց ՀՀԿ խմբակցության ղեկավար Վահրամ Բաղդասարյանը:
«Սերժ Սարգսյանը մինչեւ 2018 թվականի ապրիլ ՀՀ նախագահն է, եւ մենք որեւէ քննարկում չենք ունեցել, թե ապրիլից հետո ինչ պետք է կատարվի, կգա ժամանակը, կքննարկենք ու ձեզ կտեղեկացնենք: Երբ որ կգա ժամանակը Սերժ Սարգսյանն ինքը կխոսի դրա մասին»,- ասաց նա:
Սահմանադրական բարեփոխումներից հետո 2018թ. ապրիլից ուժի մեջ կմտնի ՀՀ կառավարման խորհրդարանական մոդելը:
Բաժանորդագրվեք մեր ալիքին Telegram-ում