Ըմբիշ Գեորգի Կետոևը կպայքարի աշխարհի առաջնության բրոնզե մեդալի համար

ԵՐԵՎԱն, 26 ՕԳՈՍՏՈՍԻ, ԱՐՄԵՆՊՐԵՍ: Ազատ ոճի ըմբշամարտի Հայաստանի հավաքականի անդամ Գեորգի Կետոևը կպայքարի աշխարհի առաջնության բրոնզե մեդալի համար:

«Արմենպրես»-ի հաղորդմամբ` Փարիզում ընթացող աշխարհի առաջնության 97 կգ քաշային կարգի կիսաեզրափակիչում Գեորգի Կետոևը պարտություն կրեց: Հայաստանը ներկայացնող մարզիկը 0:2 հաշվով պարտվեց Աբդուլ Սաուլաևին: Այժմ Կետոևը պետք է պայքարի բրոնզե մեդալի համար:

Մեդալային գոտեմարտերը կմեկնարկեն Երևանի ժամանակով 21:00-ից: