Ըմբիշ Կարեն Ասլանյանը պարտվեց աշխարհի առաջնության քառորդ եզրափակչում

ԵՐԵՎԱՆ, 22 ՕԳՈՍՏՈՍԻ, ԱՐՄԵՆՊՐԵՍ: Հունահռոմեական ոճի ըմբիշ Կարեն Ասլանյանը պարտություն կրեց աշխարհի առաջնությունում:

«Արմենպրես»-ի հաղորդմամբ` 66 կգ քաշային Կարեն Ասլանյանը պարտվեց աշխարհի առաջնության քառորդ եզրափակչում: Մրցակիցը կորեացի Հանսու Ռյուն էր: 2015 թվականի աշխարհի փոխչեմպիոնը հաղթեց 2:1 հաշվով:

Ավելի վաղ Հայաստանի մյուս ներկայացուցիչը` Մաքսիմ Մանուկյանը դուրս էր եկել կիսաեզրափակիչ: