1 րոպեի ընթերցում
ԵՐԵՎԱՆ, 2 ՕԳՈՍՏՈՍԻ,ԱՐՄԵՆՊՐԵՍ:Կատալոնական«Բարսելոնա»-ն իր պաշտոնական կայքում հայտարարել է, որ կվաճառի հարձակվող Նեյմարին՝ նրա պայմանագրում նշված հրաժարագնի՝ 222 մլն եվրոյի դիմաց: Խաղացողին ձեռք կբերի ֆրանսիական ՊՍԺ-ն:
«Նեյմարն իր հոր և գործակալի հետ այսօր առավոտյան «Բարսելոնա»-ի ղեկավարությանը տեղեկացրել է ակումբը լքելու մտադրության մասին: Ակումբը նրանց տեղեկացրել է, որ տրանսֆերի դեպքում անհրաժեշտ է վճարել հրաժարագինը, որը հուլիսի մեկից կազմում է 222 մլն եվրո և պետք է վճարվի ամբողջությամբ: Խաղացողը «Բարսելոնա»-ի հետ շարունակում է մնալ պայմանագրով, սակայն ունի թույլտվություն չմասնակցելու մարզումներին»,-«Արմենպրես»-իհաղորդմամբ, նշված է հայտարարության մեջ: