Լևոն Արոնյանի հաջորդ մրցակիցը Անիշ Գիրին է

ԵՐԵՎԱՆ, 13 ՀՈՒԼԻՍԻ, ԱՐՄԵՆՊՐԵՍ: Ժնևում շարունակվում է ՖԻԴԵ-ի Գրան պրին, որտեղ կկայանան 7-րդ տուրի պարտիաները:

«Արմենպրես»-ի հաղորդմամբ` հայկական շախմատի առաջատար Լևոն Արոնյանը 7-րդ տուրում կխաղա Նիդեռլանդները ներկայացնող Անիշ Գիրիի հետ:

6-րդ տուրերից հետո Արոնյանն ունի 3 միավոր և կիսում է 8-12-րդ հորիզոնականները: 4-ական միավոր ունեն և առաջատարներն են Թեյմուր Ռաջաբովը, Պենտալա Հարիկրիշնան և Ալեքսանդր Գրիշչուկը: