Հայկ Մարտիրոսյանը «Biel Chess Festival 2024»-ում դարձել է արծաթե մեդալակիր

ԵՐԵՎԱՆ, 14 ՀՈՒԼԻՍԻ, ԱՐՄԵՆՊՐԵՍ: Հայաստանի շախմատի տղամարդկանց թիմի անդամ Հայկ Մարտիրոսյանը երկրորդն է «Biel Chess Festival 2024» միջազգային մրցաշարում:

«Արմենպրես»-ի հաղորդմամբ` գրոսմայստեր Հայկ Մարտիրոսյանը «Biel Chess Festival 2024» միջազգային մրցաշարի շրջանակներում անցկացված Ֆիշերի շախմատի մրցաշարում դարձավ արծաթե մեդալակիր:

Առաջինը հնդիկ Ռամեշբաբու Պրագնանանդհան է, իսկ երրորդ տեղում Վինսենթ Կայմերը: 

Հուլիսի 16-ին կմեկնարկի դասական ժամակարգով շրջանային մրցաշարը: 

Մրցաշարին մասնակցելու են Հայկ Մարտիրոսյանը, Ռամեշբաբու Պրագնանանդհան, Վինսենթ Կայմերը, Լիեմ Լեն, Սամուել Շանկլանդը և Աբհիմանյու Միշրան: