1 րոպեի ընթերցում
ԵՐԵՎԱՆ, 10 ՀՈՒԼԻՍԻ, ԱՐՄԵՆՊՐԵՍ: Մադրիդի «Ռեալ»-ի պորտուգալացի հարձակվող Քրիշտիանու Ռոնալդուն կդառնա թիմի երրորդ ավագը։ Ինչպես հաղորդում է «Արմենպրես»-ը, այս մասին հայտնում է իսպանական AS պարբերականը:
Թիմի հիմնական ավագը կշարունակի լինել Սերխիո Ռամոսը, իսկ փոխավագը կլինի Մարսելոն: Թիմի երրորդ ավագը պորտուգալացի պաշտպան Պեպեն էր, ով ազատ գործակալի կարգավիճակով լքել է թիմը և միացել թուրքական «Գալաթասարայ»-ին:
Պեպեի հեռանալուց հետո «Ռեալ»-ի երրորդ ավագը կդառնա Քրիշտիանու Ռոնալդուն: Նշվում է նաև, որ Ռոնալդուն հաճախակի հանդիպումներ է ունենալու ակումբի ղեկավարության հետ՝ թիմի վերաբերյալ արդիական հարցերի քննարկման համար: