1 րոպեի ընթերցում
ԳՅՈՒՄՐԻ, 8 ՄԱՐՏԻ, ԱՐՄԵՆՊՐԵՍ:Կանանց միջազգային օրվա կապակցությամբ, քաղաքապետ Սամվել Բալասանյանի անունից, քաղաքի տարբեր հատվածներում բացիկներ և ծաղիկներ նվիրվեցին կանանց ու աղջիկներին: Անակնկալ շնորհավորանքը հաճելի էր ու մի պահ մոռացնել էր տալիս հոգսերի ու խնդիրների մասին: «Այս հիասքանչ տոնը թող բերի առողջություն, երջանկություն և ժպիտ: Թող գարնանաբույր տոն լինի Ձեր կյանքի յուրաքանչյուր օրը»,-նշված էր քաղաքապետի շնորհավորական բացիկներում:
Ավելի ուշ գյումրեցի կանանց ու աղջիկներին անակնկալ էր կազմակերպել Գյումրու կայազորը. ծաղիկներ ու շնորհավորանք` այս անգամ զինվորներից: Օրվա ամենահուզական շնորհավորանքը հենց իրենցն էր` տանից հեռու ու իրենց մորը, քրոջն ու սիրելիին մտքում` շնորհավորում էին Կենտրոնական հրապարակում ու Ռիժկովի ճեմափողոցում հանդիպած կանանց ու աղջիկներին: