1 րոպեի ընթերցում
ԵՐԵՎԱՆ, 11 ՓԵՏՐՎԱՐԻ, ԱՐՄԵՆՊՐԵՍ: Իրանի ղեկավար եւ հոգեւոր առաջնորդ այաթոլլա Ալի Խամենեին հրամանագիր է ստորագրել Իսլամական հեղափոխության հաղթանակի օրվա տոնակատարության կապակցությամբ, որը երկրում նշվում է փետրվարի 11-ին, հազարից ավելի կալանավորների ներում շնորհելու մասին, տեղեկացնում է «Արմենպրես»-ը՝ հղում անելով նրա մամուլի ծառայությանը:
«Իրանի իսլամական հեղափոխության փառապանծ հաղթանակի նախօրյակին Իսլամական Հանրապետության ղեկավարն ու հոգեւոր առաջնորդը փետրվարի 10-ի երեկոյան համաձայնել է 1059 դատապարտվածների համաներման վերաբերյալ դատական իշխանության առաջարկին»,- ասված է գերատեսչության հաղորդագրության մեջ:
Այդ դատապարտվածների համաներման մասին խնդրագիրը այաթոլլա Ալի Խամենեին ուղարկել էր Իրանի Գերագույն դատարանի նախագահ Սադեկ Ամոլի Լարիջանին, հաղորդել է ՏԱՍՍ-ը: