Վայոց ձորում տեղի ունեցած սողանքի հետևանքով ջրագծեր են վնասվել

ԵՐԵՎԱՆ, 22 ՍԵՊՏԵՄԲԵՐԻ, ԱՐՄԵՆՊՐԵՍ: ՀՀ տարածքային կառավարման եւ արտակարգ իրավիճակների նախարարությունում սեպտեմբերի 22-ին` ժամը09.52-ին, տեղեկատվություն է ստացվել, որ Վայոց ձորի մարզի Եղեգնաձոր-Գնիշիկ ավտոճանապարհի մոտակայքում տեղի է ունեցել սողանք, ինչի հետևանքով վնասվել են խմելու և ոռոգման ջրագծերը: Ինչպես «Արմենպրես»-ին տեղեկացրին ՀՀ տարածքային կառավարման եւ արտակարգ իրավիճակների նախարարությունից, դեպքի վայր է մեկնել ՄՓՎ ՕԽ-ն:

Պարզվել է, որ Հ-40 ավտոճանապարհի Եղեգնաձոր-Գնիշիկ հատվածի 20-րդ կմ-ում տեղի է ունեցել սողանք մոտ 350 քմ մակերեսով, ինչի հետևանքով վնասվել են Մոզրով և Գնիշիկ գյուղերի խմելու ջրագծերը (մոտ 20 մ):

Դեպքի մասին տեղեկացվել են ՃԿԱԿ-ում Կապի և տրանսպորտի, Բնապահպանության, Գյուղատնտեսության նախարարություններիպատասխանատու աշխատակիցները և Գյուղատնտեսության նախարարության ջրային տնտեսության պետական կոմիտեի նախագահի տեղակալը: