1 րոպեի ընթերցում
ԵՐԵՎԱՆ, ՍԵՊՏԵՄԲԵՐԻ, ԱՐՄԵՆՊՐԵՍ: Ֆուտբոլի Հայաստանի ազգային թիմի և Մոսկվայի «Սպարտակ»-ի ֆուտբոլիստ Յուրա Մովսիսյանի ստացած վնասվածք լուրջ չէ:
«Մովսիսյանն ազդրի մկանների մասնակի վնասվածք է ստացել: Բայց նա արդեն սկսել է բուժումը, և հնարավոր է, որ նա կմասնակցի «Կուբան»-ի դեմ Ռուսաստանի առաջնության հաջորդ տուրի արտագնա խաղին»,-«Արմենպրես»-ի հաղորդմամբ, նման հայտարարություն է արել ակումբը:
Ռուսաստանի առաջնության 8-րդ տուրում «Սպարտակ»-ը նվազագույն հաշվով հաղթել էր «Ռոստով»-ին և այդ խաղին մասնակցել էր նաև Յուրա Մովսիսյանն, ով փոխարինվել է 61-րդ րոպեին: «Սպարտակ»-ի գլխավոր մարզչի մեկնաբանությամբ հայ հարձակվող փոխարինվել էր վնասվածքի պատճառով: