Թուրքիայում իրադարձությունները կարող են դուրս գալ Էրդողանի վերահսկողությունից. փորձագետ
1 րոպեի ընթերցում
ԵՐԵՎԱՆ, 14 ՍԵՊՏԵՄԲԵՐԻ, ԱՐՄԵՆՊՐԵՍ: Թուրքիայի Նախագահ Ռեջեփ Թայիփ էրդողանը փորձում է երկրում ստեղված քաղաքական իրավիճակից որոշակի քաղաքական հաշաբաժիններ քաղել: Տեսակետը Մերձավոր Արեւելքի հարցերով փորձագետ Վիգեն Չեթերյանինն է: «Արմենպրես»-ի փոխանցմամբ, քննարկման ժամանակ Չեթերյանը նշեց, որ Թուրքիայի իրադարձությունները բացառապես վերաբերում են երկրի ներքին կյանքին, եւ դժվար է կանխատեսումներ անել, թե վերջնական հաղթանակ ով կտանի` Էրդողանը, թե` քրդերը:
Հարցին, թե թուրքական իշխանություններին կհաջողվի արդյոք կարգավորել քրդական հարցը, վերլուծաբանը պատասխանեց. «Շատ դժվար է այսօր կանխատեսել իրադարձությունների դրական զարգացումը: Կա իրական սպառնալիք, որ Թուրքիայում իրադարձությունները դուրս կգան Էրդողանի վերահսկողությունից։ Այսօր քրդերը շատ ավելի ուժեղ են եւ կազմակերպված քան 80-ականներին։ ԱՄՆ-ի եւ Քրդստանի բանվորական կուսակցության միջեւ կա ռազմական համագործակցություն։ Եվ շատ դժվար է կանխատեսել իրադարձությունների հետագա ընթացքը»:
Լուսանկարը`Վիգեն Չեթերյանի ֆեյսբուքյան էջից