1 րոպեի ընթերցում
ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ: Շախմատի աշխարհի 13-րդ չեմպիոն Գարրի Կասպարովը շնորհավորել է Լևոն Արոնյանին` Սենթ-Լուիսում տարած հաղթանակի կապակցությամբ:
«Շախմատային աշխարհն ավելի լավն է, երբ Արոնյանը լավ է խաղում: Շնորհավորում եմ Լևոն Արոնյանին Սենթ Լուիսում տոնած հաղթանակի կապակցությամբ»,-«Արմենպրես»-ի հաղորդմամբ` Կասպարովը գրառրել է «Թվիթերի» իր էջում:
Հայկական շախմատի առաջատար, շախմատի Հայաստանի հավաքականի անդամ Լևոն Արոնյանը հաղթեց ԱՄՆ-ի Սենթ Լուիս քաղաքում անցկացվող ուժեղագույն մրցաշարում: «Սինքֆիլդի գավաթ»-ի խաղարկության վերջին տուրում Արոնյանի մրցակիցը Վեսելին Տոպալովն էր: Հայ գրոսմայստերը խաղում էր սև խաղաքարերով և պարտիան ավարտեց ոչ-ոքի արդյունքով: 9 հնարավորից վաստակելով 6,5 միավոր` Արոնյանը դարձավ այս մրցաշարի հաղթողը: