Քիմ Քարդաշյանը գլխավորել Է Instagram-ում առավել մեծ ժողովրդականություն վայելող բլոգերների վարկանիշը
2 րոպեի ընթերցում
ԵՐԵՎԱՆ, 25 ՕԳՈՍՏՈՍԻ, ԱՐՄԵՆՊՐԵՍ: Քիմ Քարդաշյանն առավել մեծ ժողովրդականություն վայելող բլոգերն Է դարձել Instagram-ում: Ինչպես տեղեկացնում Է «Արմենպրես»-ը՝ հղում անելով The Daily Miror-ին, նա կարողացել Է վարկանիշի առաջին տեղից դուրս մղել երգչուհի Բեյոնսեին: Այժմ Քարդաշյանի ակաունտին բաժանորդագրված Է 44,1 միլիոն, Բեյոնսեի ակաունտին՝ շուրջ 44 մլն մարդ:
Նշվում Է, որ Քարդաշյանի բաժանորդների թիվը կտրուկ ավելացել Է այն բանից հետո, երբ նա օգոստոսի սկզբին մերկ սելֆի հրապարակեց: Այդ ժամանակ նա ուներ 42 մլն բաժանորդ: Միջին հաշվով Instagram-ում Քարդաշյանի լուսանկարները 500 հազարից մինչեւ 1 մլն լայք են հավաքում:
Instagram-ի առավել մեծ ժողովրդականություն վայելող բլոգերների ցուցակում են նաեւ երգչուհի Թեյլոր Սվիֆթը, դերասանուհի Սելենա Գոմեսը, երգիչ Ջասթին Բիբերը եւ Քարդաշյանների ընտանիքի միանգամից երեք ներկայացուցչուհիներ՝ Քենդալ Ջենները, Քայլի Ջենները եւ Քլոե Քարդաշյանը: Ընդսմին սոցցանցում ամենից ավելի շատ բաժանորդներ՝ 94,5 միլիոն, ունի Instagram-ի պաշտոնական ակաունտը:
Քիմ Քարդաշյանը հայտնի Է սելֆիների հրապարակման իր հակումով: Օգոստոսի սկզբին նա լուսանկարվել Էր Հիլարի Քլինթոնի հետ, իսկ ապրիլին հրապարակել Էր իր սելֆիների ժողովածուն: Հաղորդվել Էր, որ հրատարակության առաջին տպաքանակը գնվել Է 1 րոպեում: