1 րոպեի ընթերցում
ԵՐԵՎԱՆ, 11 ՕԳՈՍՏՈՍԻ, ԱՐՄԵՆՊՐԵՍ: Քիմ Քարդաշյանը ֆեյսբուքյան էջում հրապարակել է հղի վիճակում իր սելֆին: Հեռուստաշոուների աստղը իր մերկ լուսանկարի հրապարակման տակ մանրամասնել է, որ այն ուղղված է նրանց, ովքեր կասկած են հայտնել իր հղիության, չափից դուրս նիհար կամ գեր լինելու, սուրոգատ մորը դիմելու վերաբերյալ:
«Սկզբում նրանք ասում էին, թե ես չափից նիհար եմ, այնուհետ` չափից գեր: Յուրաքանչյուրի մարմինը տարբեր է, յուրաքանչյուր հղիություն տարբեր է: Ես օրհնված եմ լինել հղի և, որքանով չեմ սխալվում, չունեմ հղիների պրեկլամպսիա (ախտանիշ): Ասում են, թե տղայի դեպքում հղիությունն այլ կերպ է ընթանում, քան աղջկա: Միևնույն է, ես շնորհակալ եմ Աստծոն այս հրաշքի համար` անկախ բամբասանքներից և մեկնաբանություններից», - գրել է Քիմ Քարդաշյանը: