1 րոպեի ընթերցում
ԵՐԵՎԱՆ, 19 ՀՈւԼԻՍԻ, ԱՐՄԵՆՊՐԵՍ: ՀՀտարածքային կառավարման և արտակարգ իրավիճակների նախարարությունում հուլիսի 19-ին` ժամը 10.20-ին, ահազանգ է ստացվել, որ Շիրակի մարզի Արթիկ քաղաքի Հառիճավանքի մոտակայքում տեղի է տեղի է ունեցել ՃՏՊ. «ԳԱԶ-50» մակնիշի ավտոմեքենան շրջվել է ձորը. անհրաժեշտ է փրկարարների օգնությունը: Ինչպես«Արմենպրես»-ին տեղեկացրին ՀՀտարածքային կառավարման և արտակարգ իրավիճակների նախարարությունից, դեպքի վայր է մեկնել մեկ մարտական հաշվարկ:
Պարզել է, որ նախնական տվյալներով, Հառիճ գյուղի վերջնամասում «ԶԻԼ-133» մակնիշի 14ԼՕ037 պետհամարանիշի բեռնատարի վարորդ Հ. Հ.-ն ճամփեզրին կայանել է ավտոմեքենան, դուրս եկել խցիկից և դեռևս չբացահայտված հանգամանքներում` բեռնատարը ինքնաբերաբար շարժվելով, դուրս է եկել ճանապարհի երթևեկելի հատվածից և շրջվել հարակից ձորը` մոտ 6-7 մետր. տուժածներ չկան: Հրշեջ-փրկարարները դադարեցրել են վառելիքի արտահոսքը: