368.54
Իրանը Թուրքիային ահաբեկչության դեմպայքարում երկկողմանի հարաբերություններն ամրապնդելու կոչ է արել
1 րոպեի ընթերցում
ԵՐԵՎԱՆ, 17 ՀՈՒԼԻՍԻ, ԱՐՄԵՆՊՐԵՍ: Իրանական միջուկային ծրագրի հետ կապված պատժամիջոցները վերացնելու շուրջ Վիենայում «վեցյակի» հետ ձեռք բերված համաձայնությունից հետո Իրանի նախագահ Հասան Ռոուհանին հեռախոսազրույց է ունեցել Թուրքիայի իր գործընկեր Ռեջեփ Թայիփ Էրդողանի հետ, որի ժամանակ ահաբեկչության դեմ պայքարում երկկողմանի հարաբերություններն ամրապնդելուկոչ է արել Անկարային:
Այս մասին, ինչպես հաղորդում է «Արմենպրես»-ը, հայտնում է IRNA լրատվական գործակալությունը:
«Վիենայի համաձայնությունը կարեւոր նշանակություն ունի իրանա-թուրքական հարաբերությունների լավացման համար: Այդ համաձայնությունը ազդեցություն կունենա հարեւանների, հատկապես Թուրքիայի հետ Իրանի հարաբերությունների վրա», -հեռախոսազրույցում նշել է Ռուհանին:
Իրանի նախագահի խոսքով` անհրաժեշտ է ամրապնդել երկկողմանի հարաբերությունները ահաբեկչության դեմ պայքարում եւ դիմակայել տարածաշրջանում ահաբեկչության խնդրին:
Նշվում է, որ պատասխան խոսում Էրդողանը նշել է, որ Թուրքիան պատրաստ է Իրանի հետ տարածաշրջանային հարցերով համագործակցությանը:
Բաժանորդագրվեք մեր ալիքին Telegram-ում