Ուղիղ առևտրի նոր քայլ կարգավորման գործընթացի շրջանակներում. Քըլըչը` Ախալքալաք-Կարս երկաթուղին Հայաստանի համար բացելու մասին

Հայաստան-Թուրքիա հարաբերությունների կարգավորման թուրքական կողմի հատուկ ներկայացուցիչ Սերդար Քըլըչը X-ում կիսվել է ՀՀ վարչապետ Նիկոլ Փաշինյանի գրառմամբ, որում վարչապետը հայտնում էր Ախալքալաք-Կարս երկաթուղին Հայաստանից արտահանման ու Հայաստան ներմուծման համար բաց լինելու մասին։ 

Türkiye-Ermenistan normalleşme süreci kapsamında doğrudan ticarette yeni bir adım.Türkiye-Ermenistan-Azerbaycan ve Gürcistan dörtlü işbirliğini de geliştirecek,bölgesel barış ve istikrara da önemli katkıda bulunacak bu yeni adımın tüm bu ülkelere hayırlı olmasını diliyorum. pic.twitter.com/cnfTRfPLzF

— Serdar KILIÇ (@serdarkilic9) May 24, 2026

«Սա Թուրքիայի և Հայաստանի միջև հարաբերությունների կարգավորման գործընթացի շրջանակներում ուղիղ առևտրի նոր քայլ է։ Հուսով եմ, որ այս նոր քայլը, որը նաև կզարգացնի Թուրքիայի, Հայաստանի, Ադրբեջանի և Վրաստանի միջև քառակողմ համագործակցությունը և զգալի ներդրում կունենա տարածաշրջանային խաղաղության և կայունության մեջ, օգտակար կլինի այս բոլոր երկրների համար», - «Արմենպրես»-ի փոխանցմամբ՝ գրել է Քըլըչը։

Ավելի վաղ Փաշինյանը ֆեյսբուքյան իր էջում գրել էր, որ Ախալքալաք–Կարս երկաթուղին այլեւս բաց է Հայաստանից արտահանումների եւ Հայաստան ներմուծումների համար։