ՆԱՍԱ-ի New Horizons տիեզերակայանը նվազագույն հեռավորության վրա անցավ Պլուտոն մոլորակի կողքով
1 րոպեի ընթերցում
ԵՐԵՎԱՆ, 14 ՀՈՒԼԻՍԻ, ԱՐՄԵՆՊՐԵՍ: ՆԱՍԱ-ի New Horizons տիեզերակայանը 9 տարվա թռիչքից հետո մոտեցել է Պլուտոն մոլորակին: Ինչպես հաղորդում է «Արմենպրես»-ը՝ վկայակոչելով ՆԱՍԱ-ի պաշտոնական կայքը, հուլիսի 14-ին մոտ 14կմ/վ արագությամբ տիեզերակայանը մոտենում է մոլորակի ամենախոշոր արբանյակին՝ Խարոնին:
Բավարար քանակությամբ լուսանկարներ հավաքելուց հետո New Horizons-ը դրանք կարճ ժամանակահատվածում կփոխանցի Երկիր մոլորակ:
Գաճաճ մոլորակի և իր արբանյակի միջև հեռավորությունը կազմում է մոտ 19570 կմ, ինչը մոտ 20անգամ ավելի կարճ է Երկրի և Լուսնի միջև հեռավորությունից: New Horizons տիեզերակայանից ստացված տեղեկությունների շնորհիվ գիտնականներին հաջողվել է արդեն իսկ հստակ որոշել գաճաճ մոլորակի չափսերը, որի շառավիղը կազմում է 2370 կմ: Նախկինում ենթադրվում էր, որ այն կազմում է 1208 կմ: Ինչպես նաև պարզվեց, որ մոլորակի խտությունը ավելի փոքր է նախկինում ենթադրություններից և առավել մեծ է սառույցի ծավալը: