Ադրբեջանում 5 ամսում 5 հազարից ավելի ընտանիք է քայքայվել

ԵՐԵՎԱՆ, 10 ՀՈՒԼԻՍԻ, ԱՐՄԵՆՊՐԵՍ: Ընթացիկ տարվա 5 ամիսներին Ադրբեջանում 5 հազարից ավելի ընտանիք է քայքայլվել:

Այս մասին, ինչպես հաղորդում է «Արմենպրես»-ը, հայտնում է moderator.az կայքը` հղում կատարելով Ադրբեջանի պետական վիճակագրական կոմիտեին:

Այս տարվա հունվար-մայիսին պաշտոնական մարմինների կողմից Ադրբեջանում գրանցվել է 32,6 ամուսնություն եւ 5,3 հազար ամուսնալուծության դեպք:

Նշվում է, որ այդ ժամանակահատվածում ծնված երեխաների 53,6 տոկոսը տղաներ, 46,4 տոկոսը` աղջիկներ են: Ներկայում Ադրբեջանում յուրաքանչյուր 1000 տղամարդու հաշվով կա 1009:

Modern.az կայքն էլ հայտնել է, որ Ադրբեջանում վերջին մեկ տարվա ընթացքում հղիության 30 հազար արհեստական ընդհատում է գրանցվել: Կայքի հետ զրույցում Ադրբեջանի առողջապահության նախարարության մանկաբարձության եւ գինեկոլոգիայի ինստիտուտի գիտական քարտուղար Լեյլա Մամեդովան հայտնել է, որ Ադրբեջանում 2012 թվականին հղիության արհեստական ընդհատումների թիվը կազմել է 31 հազար, 2013 թվականին` 27հազար 892, 2014 թվականին` 27 հազար 220:

Նա ասել է, որ Ադրբեջանում նման դեպքերի թիվը մեծ նաեւ անչափահասների շրջանում:

«Դա կապված է այն բանի հետ, որ Ադրբեջանում հաճախակի են անչափահասների ամուսնության դեպքերը: Անչափահասի հղիությունը շատ դեպքերում անցակնալի է՝ ֆիզիոլոգիապես նրա մայրանալու պատրաստ չլինելու պատճառով: Նման հղիների մոտ պտղի զարգացումը շատ դեպքերում ընթանում է խամգարումներով, ինչի համար էլ անհրաժեշտ է լինում ընդհատել այն: Բացի այդ, կան նաեւ պատահական սեռական հարաբերություններից հղիության դեպքեր, որոնք նույնպես անչափահասները գերադասում են ընդհատել», -նշել է նա:

ՄԱԿ-ի Կանանց նկատմամբ խտրականությունը վերացնելու հանձնաժողովում Ադրբեջանում կանանց նկատմամբ բոլոր տեսակի խտրականությունները վերացնելու մասին կոնվենցիայի միջոցառումների կատարման մասին զեկույցի քննարկման ժամանակ հղիության արհեստական ընդհատումների դեպքերի վերաբերյալ նշվել է, որ Կենտրոնական Ասիայում նման դեպքերի ամենաբարձր ցուցանիշները Ադրբեջանում են: Ադրբեջանի ներկայացուցիչը նշել է, որ 2012 թվականին երկրում գրանցվել էր հղիության արհեստական ընդհատումների 200 հազար դեպք