Կոնգրեսականներ Էշուն և Սփայերը հորդորել են քվերակության դնել «Հայոց ցեղասպանության ճշմարտության և արդարության» բանաձևը

ՎԱՇԻՆԳԹՈՆ, 10 ՀՈՒԼԻՍԻ, ԱՐՄԵՆՊՐԵՍԼ: ԱՄՆ կոնգրեսականներ Աննա Էշուն և Ջեքի Սփայերը դիմել են Ներկայցուցիչների պալատի արտաքին հարաբերությունների հանձնաժողովին՝ Հայոց ցեղասպանությունը ճանաչող 154-րդ բանաձևը քվերակության դնելու խնդրանքով: Ինչպես «Արմնեպրես»-ին տեղեկացրին Հայ դատի ԱՄՆ հանձնախմբից, Արտաքին հարաբերությունների հանձնաժողովի նախագահ Էդ Ռոյսին և նույն հանձնաժողովի բարձրաստիճան պաշտոնյա Էլիոթ Էնգելին ուղղված նամակում կոնգրեսականները միջնորդել են լսումներ կազմակերպել և քվերակության դնել «Հայոց ցեղասպանության ճշմարտության և արդարության» բանաձևը:

Նամակում նշվել է նաև, որ Աննա Էշուն և Ջեքի Սփայերը ԱՄՆ նախագահի պատվիրակության կազմում Հայաստանում մասնակցել են Հայոց ցեղասպանության 100-րդ տարելիցին:

ԱՄՆ Կոնգրեսի Ներկայացուցիչների պալատի անդամներ Ռոբերտ Դոլդը (հանրապետական), Ադամ Շիֆը (դեմոկրատ), Դեյվիդ Ուալադաոն (հանրապետական), Ֆրենկ Փալոնեն (դեմոկրատ) և 40 այլ կոնգրեսականներ 2015 թվականի մարտի 18-ին կրկին ներկայացրել են «Հայոց ցեղասպանության ճշմարտության և արդարության բանաձևը», որը կոչ է անում Միցայալ Նահանգների նախագահ Բարաք Օբամային հայ-թուրքական hարաբերությունները կառուցել Թուրքիայի կողմից Հայոց ցեղասպանության իրողության ճանաչման հիմքով:Բանաձևի նպատակն է նաև ստեղծել Հայոց ցեղասպանությանը նվիրված արդար և ամբողջական միջազգային արխիվ: