1 րոպեի ընթերցում
ԵՐԵՎԱՆ, 30 ՀՈՒՆԻՍԻ, ԱՐՄԵՆՊՐԵՍ: ՀՀ վարչապետ Հովիկ Աբրահամյանը շնորհավորել է ՀՀ Նախագահ Սերժ Սարգսյանին ծննդյան օրվա առթիվ: Այս մասին «Արմենպրես»-ը տեղեկացավ ՀՀ կառավարության պաշտոնական կայքից:
«Մեծարգո Նախագահ,
Ընդունեք իմ ջերմ շնորհավորանքները և բարեմաղթանքները Ձեր ծննդյան տարեդարձի առթիվ: Ցանկանում եմ Ձեզ քաջառողջություն, երջանկություն, անսպառ ուժ և կորով, արգասաբեր գործունեություն՝ ի բարօրություն Հայաստանի և հայ ժողովրդի: Կրկին շնորհավորում եմ և մաղթում ամենայն հաջողություն»,- ասվում է վարչապետի շնորհավորական ուղերձում:
Ծննդյան օրվա առթիվ Նախագահ Սերժ Սարգսյանը շնորհավորանքներ և բարեմաղթանքներ է ստանում օտարերկրյա պետությունների ղեկավարներից, միջազգային կազմակերպությունների, պետական և հասարակական հատվածի ներկայացուցիչներից, անհատներից:
Նախագահ Սերժ Սարգսյանին, ի թիվս այլ երկրների ղեկավարների, շնորհավորական ուղերձ է հղել Ռուսաստանի Դաշնության Նախագահ Վլադիմիր Պուտինը: