ՀՀ փոխվարչապետ Խաչատրյանը և Իրանի դեպանը քննարկել են փոխգործակցության օրակարգին վերաբերող հարցերի լայն շրջանակ
1 րոպեի ընթերցում
![ՀՀ փոխվարչապետ Խաչատրյանը և Իրանի դեպանը քննարկել են փոխգործակցության օրակարգին վերաբերող հարցերի լայն շրջանակ](http://armenpress.am/resized/480/static/news/b/2024/03/1132002.jpg)
ԵՐԵՎԱՆ, 7 ՄԱՐՏԻ, ԱՐՄԵՆՊՐԵՍ։ Փոխվարչապետ Տիգրան Խաչատրյանն ընդունել է Հայաստանում Իրանի Իսլամական Հանրապետության արտակարգ և լիազոր դեսպան Մեհդի Սոբհանիին:
Ինչպես «Արմենպրես»-ին տեղեկացրին ՀՀ փոխվարչապետ Տիգրան Խաչատրյանի գրասենյակից, հանդիպման ընթացքում զրուցակիցները քննարկել են հայ-իրանական փոխգործակցության օրակարգին վերաբերող հարցերի լայն շրջանակ: Մասնավորապես՝ անդրադարձ է կատարվել երկկողմ առևտրատնտեսական հարաբերություններին, ինչպես նաև ենթակառուցվածքների և էներգետիկայի ոլորտներում համագործակցության հեռանկարներին: