2 րոպեի ընթերցում
ԵՐԵՎԱՆ, 23 ՀՈՒՆԻՍԻ, ԱՐՄԵՆՊՐԵՍ: Ուգանդայի 47-ամյա բնակիչ Գոդֆրի Բագուման, որը պաշտոնապես ճանաչվել Է երկրի ամենատգեղ տղամարդը, ութերորդ զավակն Է ունեցել: Այդ մասին, ինչպես տեղեկացնում Է «Արմենպրես»-ը, հաղորդել Է Metro-ն:
Գոդֆրի Բագուման եւ նրա 30 ամյա կինը՝ Քեյթ Նամանդան, դուստր են ունեցել: Փոքրիկը ընտանիքի վեցերորդ երեխան Է դարձել: Եվս երկու երեխա Բագուման ունի առաջին ամուսնությունից:
Գիտությանն անհայտ հիվանդությունից տառապող Բագուման ավելի վաղ կոշկակար Էր աշխատում եւ 2002 թվականին մասնակցել Է Ուգանդայի ամենատգեղ տղամարդու կոչման մրցույթին: Նա մրցման Է գնացել հաղթելու եւ ընտանիքի համար փող վաստակելու հույսով:
Ստանալով տիտղոսը՝ Ուգանդայի բնակիչը փոխել Է աշխատանքը՝ դառնալով երգիչ: Նա ընտրել Է Ssebabi բեմական անունը:
Բագուման առաջին կնոջից հեռացել Է՝ իմանալով նրա անհավատարմության մասին: Ծանոթանալով Նամանդայի հետ՝ նա երկար ժամանակ խնդրում Էր նրա ձեռքը: 2008 թվականին ծնվել Է նրանց առաջնեկը: Սակայն միայն 2013 թվականին Է տեղի ունեցել զույգի հարսանիքը:
«Մենք բոլորից գաղտնի չորս տարի հանդիպում Էինք: Ես չԷի ցանկանում, որ մեզ միասին տեսնեին երեխայի ծնվելուց առաջ: Ես ասացի, որ եթե նա ինձ բեռ Է համարում, ապա կարող Է հեռանալ, եւ Քեյթը հղիության վեցերորդ ամսին ինձ լքեց: Իսկ հետո վերադարձավ: կարծում եմ՝ նա հաշտվեց իր ճակատագրի հետ»,-պատմել Է Բագուման:
Խոսելով ամուսնու հետ հարաբերությունների մասին՝ Նամանդան ընդգծել Է, որ իր արած ընտրությունը ճիշտ Է համարում: «Երբ գտնում ես մի մարդու, որը համապատասխանում Է քեզ, այլեւս չպետք Է լսես, թե ուրիշներն ինչ են ասում: Պետք Է անսաս սրտիդ ձայնին: Փողն ու արտաքինը չպետք Է խոչընդոտ դառնան»,-ասել Է կինը:
Ինչպես գրում Է Metro-ն, Բագուման ապահովում Է ընտանիքը՝ փող վաստակելով իր համերգներով, որոնց ընթացքում երգում Է եւ կատարում սթենդ-ափ ժանրի կատակերգական համարներ: