Արամ Ա-ն Օտտավայում հանդիպել է Կանադայի պաշտպանության նախարարի հետ

2 րոպեի ընթերցում

ԵՐԵՎԱՆ, 5 ՀՈՒՆԻՍԻ, ԱՐՄԵՆՊՐԵՍ: Ն.Ս.Օ.Տ.Տ. Արամ Ա կաթողիկոսն Օտտավայում հանդիպել է Կանդայի պաշտպանության նախարար Ջեյսոն Քենիի հետ:Այս մասին «Արմենպրես»-ը տեղեկացավ Կիլիկիո կաթողիկոսության պաշտոնական կայքից: Վեհափառ Հայրապետն ու Պաշտպանության նախարարը քննարկել են մի շարք հարցեր, այդ թվում` Միջին Արևելքում ներկա իրավիճակի և Հայոց ցեղասպանության 100-րդ տարելիցին առնչվող:

Նրանք շեշտել են Միջին Արևելքում և այլուր իսլամ ծայրահեղականների կողմից ստողծված իրավիճակը միացյալ ջանքերով դիմագրավելու անհրաժեշտությունը: Վեհափառ Հայրապետը և նախարար Քենին ընդգծել են Հայոց ցեղասպանության ճանաչման ու հատուցման հրամայականը: Նախարարը հատկապես շեշտել է Միջին Արևելքում քրիստոնյա համայնքների պաշտպանությունն ապահովելու անհրաժեշտությունը: Այս շրջանակներում Նորին Սրբությունն անդրադարձել է Սիրիայի և հատկապես Հալեպի հայության դիմագրաված ներկա դժվարություններին:

Վեհափառ Հայրապետը Մեծի Տանն Կիլիկիո կաթողիկոսության «Ասպետ» շքանշանով պարգևատրել է նախարար Քենիին` որպես գնահատանք հայ ժողովրդի ու Հայ դատի նրա հարատև աջակցության:

Օտավա ժամանումից հետո Կանադա-Հայաստան բարեկամության խորհրդարանական խմբի նախագահ Հարոլդ Ալպրեխթը Կանադայի խորհրդարանում ճաշկերույթ է կազմակերպել ի պատիվ Նորին Սրբության, որի ընթացքում Վեհափառ Հայրապետն ու նա անդրադարձել են Հայաստան-Կանադա գործակցության հարցերին:

Ավելի վաղ Վեհափառ Հայրապետը Օտտավայում հանդիպել էր Կանադայի վարչապետի հետ:

Հայերեն English

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է

Մահացել է մեքսիկական «Գվադալահարա» թմրակարտելի հիմնադիր Ֆելիքս Գալյարդոն