Արամ Ա-ն Կանադայում հանդիպել է վարչապետի հետ

2 րոպեի ընթերցում

ԵՐԵՎԱՆ, 4 ՀՈՒՆԻՍԻ, ԱՐՄԵՆՊՐԵՍ: Ն.Ս.Օ.Տ.Տ. Արամ Ա կաթողիկոսը հունիսի 3-ին Օտավայում հանդիպում է ունեցել Կանադայի վարչապետ Սթիվեն Հարփերի հետ:

Այս մասին «Արմենպրես»-ը տեղեկացավ Կիլիկիո կաթողիկոսության պաշտոնական կայքից: Հայոց ցեղասպանության 100-րդ տարելիցի առիթով Նորին Սրբությունն իր գնահատանքն է հայտնել Կանադայի ժողովրդին ու կառավարությանը՝ Հայոց ցեղասպանության ճանաչման հարցով իրենց որդեգրած հստակ կեցվածքի համար: Վեհափառ Հայրապետը նաև իր մտահոգությունն է հայտնել ընդհանրապես Միջին Արևելքում և հատկապես Սիրիայում տիրող իրավիճակի վերաբերյալ ու կոչ է ուղղել Կանադայի պետությանն ավելի գործոն կերպով օժանդակելու սիրիական տագնապի լուծմանն ու քրիստոնյա համայնքների պաշտպանությանը:

Հանդիպման ավարտին Նորին Սրբությունը վարչապետին պարգևատրել է Մեծի Տանն Կիլիկիո կաթողիկոսության «Իշխան» շքանշանով՝ որպես գնահատություն հայ ժողովրդի արդար դատի նկատմամբ ցուցաբերած աջակցության:

Նախ հանդիպում է տեղի ունեցել Վեհափառ Հայրապետի և վարչապետի միջև, ապա հանդիպմանը միացել է Նորին Սրբության գլխավորած պատվիրակությունը, որի կազմում են Կանադայի Հայոց թեմի առաջնորդ Գերշ. Տ. Մեղրիկ Եպս. Բարիքյանը, Ազգային կենտրոնական վարչության անդամ Ժիրայր Պասմաջյանը, Ազգային վարչության ատենապետ Գրիգոր Տեր Ղազարյանը, Հայ Դատի հանձնախմբի նախագահ Հակոբ Տեր Խաչատուրյանը, Կանադայի Հայ դատի հանձնախմբի ատենապետ Տիար Րաֆֆի Տոնապետյանը և Գերպ. Տ. Հուսիկ Ծ. Վրդ. Մարտիրոսյանը:

Հայերեն English

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է

Մահացել է մեքսիկական «Գվադալահարա» թմրակարտելի հիմնադիր Ֆելիքս Գալյարդոն