Արամ Ա-ն Բոստոնում այցելել է Ս. Ստեփանոս ազգային վարժարան

2 րոպեի ընթերցում

ԵՐԵՎԱՆ, 2 ՀՈՒՆԻՍԻ, ԱՐՄԵՆՊՐԵՍ: Ն.Ս.Օ.Տ.Տ. Արամ Ա կաթողիկոսն ԱՄՆ-ի Արևելյան թեմի առաջնորդ Գերշ. Տ. Օշական Արք. Չոլոյանի, առաջնորդական փոխանորդ Գերշ. Տ. Անուշավան Եպս. Դանիելյանի և միաբան հայրերի ընկերակցությամբ հունիսի 1-ի առավոտյան այցելել է Բոստոնի Ս. Ստեփանոս ազգային վարժարան: Այս մասին «Արմենպրես»-ը տեղեկացավ Կիլիկիո կաթողիկոսության պաշտոնական կայքից: Դպրոցի մուտքի մոտ նրան դիմավորել են Ս. Ստեփանոս եկեղեցու հոգևոր հովիվ Արժ. Տ. Անդրանիկ Ավ. Պալջեյանը, վարժարանի հոգաբարձուները, տնօրեն տիկ. Հուրի Պոյամյանը և ուսուցչական կազմը:

Վարժարանի տնօրենը ողջունել է Վեհափառ Հայրապետին և շնորհակալություն հայտնել այցելության համար: Վեհափառ Հայրապետը նախաճաշել է վարժարանի աշակերտների հետ, որից հետո դպրոցի աշակերտները երգեր ու ասմունքներ են ներկայացրել:

Նորին Սրբությունը գնահատել է եկեղեցու և վարժարանի հոգաբարձուներին, տնօրինությանը, ուսուցչական կազմին ու ծնողներին բոլոր զոհողությունների համար: Խոսքն ուղղելով աշակերտներին` նա նշել է, որ հայոց լեզվի նկատմամբ պետք է հատուկ սեր ու հետաքրքրություն ունենալ, հպարտանալ հայ լինելով և յուրաքանչյուրն իր հերթին մասնակից դառնալ համայնքի կյանքին:

Ավարտին Վեհափառ Հայրապետը շրջել է վարժարանի բոլոր դասարաններով և զրուցել աշակերտների հետ: Նա մոտիկից հետաքրքրվել է աշակերտների հայեցի առողջ դաստիարակության և քրիստոնեական կազմավորման դպրոցի մշակած ծրագրերով:

Հայերեն English

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է

Մահացել է մեքսիկական «Գվադալահարա» թմրակարտելի հիմնադիր Ֆելիքս Գալյարդոն