Գյումրեցի մայրերի ու աղջիկների պատրաստած թխվածքները կարտահանվեն Ռուսաստան

ԳՅՈՒՄՐԻ, 25 ՄԱՅԻՍԻ, ԱՐՄԵՆՊՐԵՍ: Գյումրեցի մայրերի ու աղջիկների պատրաստած թխվածքներն այս տարվանից կարտահանվեն նաև Ռուսաստան: Գյումրու «Անուշարան» գործարանն արդեն պայանագիր ունի ՌԴ-ի «Միլիսսա « ընկերության հետ, ըստ որի՝ սեպտեմբերից արտադրանքը կարտահանվի Ռուսաստան: Գործարանն այս պահին թողարկում է 66 արտադատեսակ: Այս մասին մայիսի 25-ին Գյումրիում լրագրողների հետ ունեցած հանդիպման ընթացքում տեղեկացրեց «Անուշարան» հրուշակեղենի ու խմորեղենի գործարանի սեփականատեր Միսակ Բալասանյանը: Նշենք, որ գործարանը շատ հին պատմություն ու ավանդույթներ ունի՝ հիմնադրվել է 1852 թվականին: ԽՍՀՄ տարիներին այն եղել է տարածաշրջանի հրուշակեղեն արտադրող հզոր ֆաբրիակներից մեկը: 1996 թվականի սեփականաշնորհվել է, իսկ 2011 թվականից սկսվել է վերկառուցման աշխատանքերը: «Կատարել ենք մոտ 1,5 մլն դոլարին համարժեք դրամի ներդրում: Նախ բացվել է ալրային հրուշակեղենի արտադրամասը: 6 ամիսների ընթացքում մոտ 10 անգամ ավելացրել ենք արտադրանքը, իսկ 2 ամիս առաջ բացվել է շաքարային հրուշակեղենի արտադրամասը: Հիմնական ուշարությունն այս պահին շաքարային հրուկեղենի վրա է, քանի որ արտահանման առումով այն ավելի հարմար է: Սեպտեմբերից արտադրանքը կարտահանվի ՌԴ»,- նշեց գործարարը՝ փաստելով, որ ՌԴ-ում, Ուկրաինայի շուկայի փակվելուց հետո, մեծ հնարավորություն է բացվել հայ հրուշակագործների համար: Սակայն սրանով գյումրեցի հրուշակագործներն իրենց աշխատանքն ավարտված չեն համարում: «Մոտ 2 տարվա ընթացքում 1 մլն դոլարի ներդրում ևս կկատարավի՝ շաքարային հրուշակեղենի ու մանկական սննդի հետ կապված, որի պահանաջարկն ու պատվերներն արդեն կան: Ներկա պահին գործարանում աշխատողների թիվը հասնում է 100-ի, իսկ ցուրտ ամիսներին մոտ 40 տոկոսով այս թիվն ավելանում է: Աշխատողների գերակշիռ մասը կանայք են»,- նշեց Միսակ Բալասանյանը:Նշենք, որ մայիսի 25-ին Արագածոտնի և Շիրակի մարզ աշխատանքային այցի ընթացքում «Անուշարան» գործարանի գործունեությանը ծանոթացել է ՀՀ Նախագահ Սերժ Սարգսյանը:

Արմենուհի Մխոյան