Արամ Ա կաթողիկոսը, ասորի և ղպտի եկեղեցիների պետերը Ցեղասպանության 100-րդ տարելիցը հիշատակող հայտարարություն են ընդունել

3 րոպեի ընթերցում

ԵՐԵՎԱՆ, 23 ՄԱՐՏԻ, ԱՐՄԵՆՊՐԵՍ: Կահիրեում տեղի է ունեցել հանդիպում Ն.Ս.Օ.Տ.Տ. Արամ Ա Կաթողիկոսի, ղպտի եկեղեցու հոգևոր պետ Նորին Սրբություն Թավատրոս Բ. Պատրիարքի և ասորի ուղղափառ եկեղեցու հոգևոր պետ Նորին Սրբություն Աֆրամ Բ. Պատրիարքի միջև: Հանդիպումը մասն էր շուրջ քսան տարի առաջ Միջին Արևելքում իրենց կենտրոնը ունեցող Արևելյան Ուղղափառ «Ոչ-Քաղկեդոնական» քույր եկեղեցիների հոգևոր պետերի համախմբման։

Այս մասին «Արմենպրես»-ը տեղեկացավ Կիլիկիո Կաթողիկոսության պաշտոնական կայքից:

Վեհափառ Հայրապետի նախաձեռնությամբ ստեղծված կառույցի նպատակն է Միջին Արևելքում գործակցություն ծավալել հայ, ասորի և ղպտի եկեղեցիների միջև: Միջեկեղեցական գործակցության կազմակերպչական հարցերի համար կազմվել է գործադիր հանձնախումբ, ինչպես նաև ենթահաձնախմբեր: Մեծի Տանն Կաթողիկոսության կողմից գործադիր հանձնախմբին մասնակցել են Թեհրանի Հայոց Թեմի Առաջնորդ Գերշ. Տ. Սեպուհ Արք. Սարգիսյանը և Կաթողիկոսարանի միջեկեղեցական հարաբերությունների վարիչ Գերպ. Տ. Հուսիկ Ծ. Վրդ. Մարտիրոսյանը։Գործադիր հանձնախումբը զեկույց է ներկայացրել հոգևոր պետերին, որից հետո նրանք հայտարարությամբ են հանդես եկել։

Հայտարարությունն անդարդառնում է Միջին Արևելքի ընդհանուր վիճակին, դատապարտում է ծայրահեղական շարժումների գործողություններն անմեղ մարդկանց ու, հատկապես, քրիստոնյա համայնքների նկատմամբ, շեշտվում է իսլամ-քրիստոնյա համակեցության կարևորությունը՝ փոխադարձ հանգանքի ու վստահության վրա հիմնված, ինչպես նաև շեշտվում է արևելյան ուղղափառ եկեղեցիների ներքին միասնականությունն ամրապնդելու կարևորությունը: Հոգևոր պետերը հայտարարության մեջ ողջունել են արևելյան քույր եկեղեցիների աստվածաբանական երկխոսությունը կաթոլիկ, անգլիկան ու ուղղափառ եկեղեցիների հետ և ընդհանրապես միջեկեղեցական շարժման մասնակից դառնալը, նաև նշվել է Միջին Արևելքի հոգևոր պետերի հանդիպման կարևորությունը՝ նկատի առնելով տարածաշրջանում ստեղծված իրավիճակը:

Հայտարարությունը նաև անդրադարձել է Հայոց Ցեղասպանության 100-ամյա տարելիցին և մեկ ու կես միլիոն հայ նահատակների սրբացմանը, կոչ է ուղղվել եկեղեցիներին իրենց մասնակացությունը բերել հիշյալ կարևոր իրադարձություններին:

Հայերեն English

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է

Մահացել է մեքսիկական «Գվադալահարա» թմրակարտելի հիմնադիր Ֆելիքս Գալյարդոն