ԵԽԽՎ պատվիրակությունների շատ ներկայացուցիչներ Հայաստանում կմասնակցեն Ցեղասպանության 100-րդ տարելիցի միջոցառումներին
1 րոպեի ընթերցում
ԵՐԵՎԱՆ, 2 ՓԵՏՐՎԱՐԻ, ԱՐՄԵՆՊՐԵՍ: Եվրոպայի խորհրդի խորհրդարանական վեհաժողովի շատ պատվիրակությունների ներկայացուցիչներ Հայաստանում կմասնակցեն Հայոց ցեղասպանության 100-րդ տարելիցին նվիրված միջոցառումներին: Այս մասին Ազգային ժողովում լրագրողների հետ հանդիպմանը տեղեկացրեց ԵԽԽՎ հայաստանյան պատվիրակության ղեկավար Հերմինե Նաղդալյանը: «Այս պահին կդժվարանամ ասել, թե քանիսը կամ որ պատվիրակությունները կմասնակցեն, որովհետև այդ օրերին` ապրիլի 20-24-ը լինելու է վեհաժողովի հերթական նստաշրջանը, ինչը որոշակիորեն կխանգարի շատ պատվիրակների՝ այդ օրերին Հայաստանում լինելու և իրենց տուրքը մատուցելու համար»,- «Արմենպրես»-ի հաղորդմամբ` նշեց Նաղդալյանը:
Այնուամենայնիվ, Հերմին Նաղդալյանը վստահեցրեց, որ շատերը կմասնակցեն Հայոց ցեղասպանության 100-րդ տարելիցին նվիրված հիշատակի միջացառումներին, իսկ շատերն էլ ինչ-որ ձև գտնելու են մի քանի օր առաջ կամ հետո Հայաստան այցելելու և այդ կերպ Ցեղասպանության զոհերի հիշատակին իրենց տուրքը մատուցելու համար: