1 րոպեի ընթերցում
ԵՐԵՎԱՆ, 8 ԴԵԿՏԵՄԲԵՐԻ, ԱՐՄԵՆՊՐԵՍ: ԱՄՆ-ում արտասովոր երեխա է լույս աշխարհ եկել. նա երկգլխանի է: Ինչպես հաղորդում է«Արմենպրես»-ը՝ վկայակոչելով միջազգային լրատվամիջոցները, գլուխներն ինքնուրույն գործում են, սակայն ունեն մեկ մարմին և մեկ սիրտ:
Բժշկության մեջ նման երևույթը կոչվում է dicephalic parapagus: Երկվորյակների բոլոր օրգանները, բացառությամբ գլխի, ընդհանուր են: Սովորաբար նման երեխաները հազվադեպ են ապրում:
Երեխայի ծնվելուց հետո ընտանիքը օգնության կարիք ունի, ուստի հատուկ ֆոնդ է բացվել նրանց օգնելու համար:
Նրա հայրն այժմ կրում է վերնաշապիկ, որի վրա գրված է «Մեկ սրտում երկու հոգի»: