1 րոպեի ընթերցում
ԵՐԵՎԱՆ, 4 ՀՈՒԼԻՍԻ, ԱՐՄԵՆՊՐԵՍ:ՀՀ արտակարգ իրավիճակների նախարարությունը հուլիսի 4-ին, ժամը 19.51-ին ահազանգ է ստացել, որ Երևանի Զաքյան փողոցի թիվ 8 շենքի տանիքը (20 քմ հատված) քամու հետևանքով թուլացել և կախվել է, առկա է ընկնելու վտանգ. անհրաժեշտ է փրկարարների օգնությունը: Ինչպես «Արմենպրես»-ը տեղեկանում է ՀՀ ԱԻՆ պաշտոնական կայքից, դեպքի վայր է մեկնել փրկարարական ջոկատը:
Փրկարարներն ապամոնտաժել են տանիքի 22 քմ և ամրացրել 20 գմ հատվածը: