Չարենցավան-Ֆանտան ավտոճանապարհին պատահար է տեղի ունեցել

ԵՐԵՎԱՆ, 13 ՀՈՒՆԻՍԻ, ԱՐՄԵՆՊՐԵՍ: ՀՀ արտակարգ իրավիճակներրի նախարարություն հունիսի 13-ին, ժամը 20.00-ին ահազանգ է ստացվել, որՉարենցավան-Երևան ավտոճանապարհին տեղի է ունեցել ճանապարհատրանսպորտային պատահար, կա տուժած. անհրաժեշտ է փրկարարների օգնությունը: Ինչպես տեղեկացնում է «Արմենպրես»-ը, վկայակոչելով ՀՀ ԱԻՆ պաշտոնական կայքը, դեպքի վայր է մեկնել մեկ մարտական հաշվարկ:

Պարզվել է, որ Մ-4 միջպետական ավտոճանապարհի Չարենցավան-Ֆանտան հատվածի 1-ին կմ-ին «ՎԱԶ-2106» մակնիշի 31 SL 719 պետհամարանիշով ավտոմեքենան դուրս է եկել ճանապարհի երթևեկելի հատվածից և 4 մ գլորվել է ձորակը:

Մինչ հրշեջ-փրկարարների դեպքի վայր հասնելը` 1974թ. ծնված Ռ. Դ.-ը տեղի ուժերով տեղափոխվել է Աբովյան քաղաքի ԲԿ:Բժիշկները տուժածի առողջական վիճակը գնահատել են բավարար: Հրշեջ-փրկարարները հոսանքազրկել են ավտոմեքենան և դադարեցրել գազի արտահոսքը: