Ապրիլին Դամասկոսի շրջանում ավելի քան 250 զինյալ հանձնվել է իշխանություններին
1 րոպեի ընթերցում
ԵՐԵՎԱՆ, 25 ԱՊՐԻԼԻ, ԱՐՄԵՆՊՐԵՍ: Դամասկոսի Զաբադանի և Քանաքեռ գյուղերում 56 զինյալ վայր է դրել զենքը և հանձնվել իշխանություններին: Ինչպես հաղորդում է «Արմենպրես»-ը, վկայակոչելով սիրիական ՍԱՆԱ գործակալությունը, Սիրիայի ոստիկանությունը տեղեկացրել է, որ ապրիլի սկզբից մինչ այժմ 254 զինյալ է հանձնվել, մասնավորապես, Սաբինա, Զիյաբիա, Մդայա, Մուադամիա, Զաքիա, Դարխաբիա, Մուկլիբիա, Տայյիբա և Մաալուլա շրրջաններում: Իսկ մարտին Դամասկոսի գյուղերում 500 զինյալ է հանձնվել իշխանություններին:
Բացի այդ, տեղեկություններ են ստացվել, որ վերջին 48 ժամվա ընթացքում Հոմսի թաղամասերում 168 զինյալ վայր է դրել զենքը և հանձնվել:
Սիրիական իշխանությունների տեղեկացմամբ` Սիրիայում եռամյա հակամարտության ընթացքում զինված ընդդիմադիրների շարքերում կռվում է աշխարհի ավելի քան 80 երկրի զինյալ: Նրանց թիվը գերազանցում է 100 հազարը: Սիրիան բազմիցս կոչ է ուղղել միջազգային կազմակերպություններին` ճնշում գործադրել զինյալներին ֆինանսավորող և աջակցող երկրների վրա՝ դադարեցնելու համար երկրում տեղի ունեցող բռնությունները: