Սիրիական բանակը հարձակումներ է իրականացնում Լաթաքիայի գյուղերում զինյալների հավաքատեղիների ուղղությամբ

ԵՐԵՎԱՆ, 22 ԱՊՐԻԼԻ, ԱՐՄԵՆՊՐԵՍ: Սիրիական բանակը հարձակվել է Լաթաքիայի հյուսիսային Սամրա, Նաբա ալ Մար, Մահմիե ալ Ֆարլակ և Նաբիին շրջանների զինյալների հավաքատեղիների վրա: Ինչպես հաղորդում է «Արմենպրես»-ը` վկայակոչելով «Լաթաքիայի տեղեկատվական ցանց» ֆեյսբուքյան էջը, տեղի ունեցած բախումների հետևանքով սպանված զինյալների թվում հորդանանցի, լիբանանցի, թուրք, քաթարցի, եգիպտացի զինյալներ են եղել:

Բացի այդ, բախումները շարունակվում են Չալմա լեռան շրջակայքում, ինչպես նաև Ջաբալ Զահիա, ալ Քաբիր, ալ Խադրա տարածքների շրջակայքում, 45 բարձունքի մոտակայքում: Թուրքական հրետանին փորձում է ծածկել զինյալների հարձակումները:

ՍԱՆԱ գործակալությունը տեղեկացնում է, որ սիրիական բանակը հարձակումներ է իրականացնում նաև Լաթաքիայի հյուսիսային Ռաբիա, Բեյթ Շուրուկ, Սարայա գյուղերում զինյալների հավաքատեղիների վրա, որտեղ մեծ թվով զինյալներ են սպանվել և վիրավորվել: Ոչնչացվել են հրթիռներ և զենքերով լի մեքենաներ:

Լաթաքիայի հյուսիսային Քեսաբի շրջանի վրահարձակումըսկսվելէմարտի 21-ինԹուրքիայիսահմանիութ կետերից:Հարձակումնիրականացրելեն «ՋաբհաանՆուսրա»և «ՋեյշալԻսլամ»խմբավորումները Թուրքիայի կառավարության անմիջական աջակցությամբ:Քեսաբահայերի մի մասն ապաստան է գտել Լաթաքիայի ս. Աստվածածին եկեղեցու երկու սրահներում, մյուսները տներ են վարձել կամ բնակվում են իրենց ազգականների տներում: