2 րոպեի ընթերցում
ԵՐԵՎԱՆ, 27 ՄԱՐՏԻ, ԱՐՄԵՆՊՐԵՍ։ ՀՀ արտաքին գործերի նախարարությունը Եվրոպական միությանը տեղեկացրել է Սիրիայի Քեսաբ գյուղաքաղաքում կատարվող դեպքերի մասին, որի շուրջ ԵՄ-ն կհայտնի պաշտոնական տեսակետ։ Այս մասին լրագրողների հետ զրույցում նշեց Հայաստանում ԵՄ պատվիրակության ղեկավար, դեսպան Տրայան Հրիստեան։ «Մենք արդեն փոխանցել ենք մեր ուղերձը Բրյուսել և հետամուտ կլինենք, թե ինչպես նրանք կանդրադառնան այս հարցին։ Սակայն մեր ուղերձը մեկն է` Քեսաբի հայ քաղաքացիների դեմ գրոհներն անընդունելի են»,- «Արմենպրես»-ի հաղորդմամբ՝ ասաց Հրիստեան։
Թուրք-սիրիական սահմանի մերձակայքում և Լաթաքիայի հյուսիսում գտնվող Քեսաբ գյուղաքաղաքի վրահարձակումն սկսվել է մարտի 21-ին Թուրքիայի սահմանի ութ կետերից: Տեղեկություններ են հաղորդվել, որհարձակումն իրականացրել են «Ջաբհա ան Նուսրա» և «Ջեյշ ալ Իսլամ» խմբավորումները: Գյուղաքաղաքի մեջգրեթե բնակիչներ չեն մնացել, նրանք տեղափոխվել են առավել ապահով վայրեր: Հայերի մեծամասնությունըապաստան է գտել Լաթաքիայի Սուրբ Աստվածածին եկեղեցու տարածքի մոտ գտնվող ազգայինկառույցներում: Տեղի Հայ շտապօգնության մարմինը Սիրիայի Կարմիր մահիկի կազմակերպության հետբնակիչներին ապահովել է անհրաժեշտ պարագաներով և սննդով:
Ազգային ժողովի մի խումբ պատգամավորներ` Սամվել Ֆարմանյանը, Արման Սահակյանը, ՆաիրաԿարապետյանը, Թևան Պողոսյանը, Էդմոն Մարուքյանը եւ Լևոն Մարտիրոսյանը մեկնել են Սիրիա` տեղումծանոթանալու Սիրիայի մեր հայրենակիցների խնդիրներին, քեսաբահայության վիճակին, Քեսաբ քաղաքում եւհարակից բնակավայրերում տեղի ունեցած վերջին իրադարձություններին: Վերադառնալուց հետո նրանքԱզգային ժողովին կներկայացնեն ստեղծված իրավիճակը:
Գոհար Ավետիսյան