Սիրիայի ընդդիմադիր կոալիցիան ակնկալում է անցումային կառավության ստեղծելու հարցը քննարկել առաջիկա օրերին
2 րոպեի ընթերցում
ԵՐԵՎԱՆ, 29 ՀՈւՆՎԱՐԻ, ԱՐՄԵՆՊՐԵՍ: Սիրիայի ընդդիմադիր կոալիցիայի պատվիրակությունը հունվարի 29-ին հայտարարել է, որ իրենք առաջընթաց են գրանցել միջսիրիական բանակցություններում, քանի որ սկսվել է խոսվել անցումային կառավարություն ստեղծելու մասին: Ինչպես հաղորդում է «Արմենպրես»-ը, վկայակոչելով ռուսական ԻՏԱՌ-ՏԱՍՍ գործակալությունը, այս մասին լրագրողներին հայտարարել է կոալիցիայի անդամ Լուայ Սաֆին՝ ավելացնելով, որ կառավարական պատվիրակությունն այսօր ավելի պատրաստ էր բանակցային առաջընթացին, և, այնուամնեայնիվ, նրանք պնդում են ահաբեկչության վերաբերյալ թեմաների քննարկմանը:
Նա նաև նշել է, որ իրենք դրական քայլ են կատարել դեպի առաջ, սակայն դեռ չեն քննարկել կարևոր հանգամանքներ անցումային կառավարության վերաբերյալ: Կոալիցիան հույս ունի առաջիկա օրերին քննարկել կառավարության կազմի վերաբերյալ հարցեր: Միաժամանակ նա ավելացրել է, որ կառավարության անդամները չեն ցանկանում քննարկել այդ հարցը:
Ժնևում արդեն ավարտվել է Սիրիայի կառավարական և ընդդիմադիր պատվիրակությունների միջև բանակցությունները` ՄԱԿ-ի և ԱԵԼ-ի համատեղ բանագնաց Լախդար Իբրահիմիի միջնորդությամբ: Նախորդ օրը միջսիրիական բանակցություններն ընդհատվել էին այն բանից հետո, երբ սիրիական պատվիրակությունը դատապարտել էր ԱՄՆ-ի որոշումն ընդդիմադիր խմբավորումներին զինելու վերաբերյալ: