Լեփսիուսի փողոցի շենքներից մեկում տեղի է ունեցել հրդեհի բռնկմամբ գազի արտահոսք

ԵՐԵՎԱՆ, 22 ՀՈՒՆՎԱՐԻ, ԱՐՄԵՆՊՐԵՍ: Երևանի Լեփսիուսի 6-րդ փողոցի թիվ 25 շենքի մուտքում հունվարի 22-ին` ժամը 12.21-ին, գազատար խողովակից տեղի է ունեցել արտահոսք՝ հրդեհի բռնկմամբ: Ինչպես «Արմենպրես»-ին տեղեկացրին ՀՀ արտակարգ իրավիճակների նախարարությունից, դեպքի վայր է մեկնել մեկ մարտական հաշվարկ: Հրդեհը մարվել է տեղի ուժերով: Այրվել է գազի փականը և մալուխ (մոտ 5 գմ):