2 րոպեի ընթերցում
ԵՐԵՎԱՆ, 7 ԴԵԿՏԵՄԲԵՐԻ, ԱՐՄԵՆՊՐԵՍ: Բունդեսլիգայի 15-րդ տուրում Դորտմունդի «Բորուսիա»-ն «Սիգնալ Իդունա Պարկ Արենա»-ում հյուրընկալել էր մրցաշարային աղյուսակի երկրորդ հորիզոնակը զբաղեցնող Լևերկուզենի «Բայեր»-ին:
Հանդիպումը հավասար մեկնարկ ուներ. Դորտմունդի գրոհներին «Բայեր»-ի ֆուտբոլիստները պատասխանում էին նույնությամբ: Եվ նման մի հակագրոհի ժամանակ` 18-րդ րոպեին, Լևերկուզենի թիմին առաջ մղեց Հյունգ Մին Սոնը: Ֆուտբոլի Հայաստանի ազգային թիմի անդամ Հենրիխ Մխիթարյանը աչքի էր ընկնում ակտիվ խաղով և շատ հաճակի սկսում էր «Բորուսիա»-ի գրոհները: Սակայն ամբողջ առաջին կեսի 45 րոպեների ընթացքում «Բայեր»-ի պաշտպանական պատն անխոցելի էր:
«Արմենպրես»-ի հաղորդմամբ` երկրորդ խաղակեսում էլ Կլոպի սաները չէին կարողանում վերգտնել իրենց խաղը: Հանդիպումը դարձավ ավելի տեմպային, իսկ կրքերը` բորբոքվեցին: «Բայեր»-ի կազմում կարմիր քարտի արժանացավ Էմիր Սպահինը: Այնուհետև կարմիր քարտի արժանացավ «Բորուսիա»-ի ֆուտբոլիստ Սոկրատիս Պապաստակոլուսը:
Այս տուրից հետո Լևերկուզենի թիմն ունի 37 միավոր և 6 միավորով առաջ է անցնում «Բորուսիա»-ից: Նույնքան` 31 միավոր ունեն «Բորուսիա Մյունխեն Գլադբախ»-ի ֆուտբոլիստները: