Քիմ Քարդաշյանը լույս աշխարհ է բերել առաջնեկին

ԵՐԵՎԱՆ, 16 ՀՈՒՆԻՍԻ, ԱՐՄԵՆՊՐԵՍ: Ամերիկյան ռեալիթի շոուի հայտնի աստղ Քիմ Քարդաշյանը լույս աշխարհ է բերել առաջնեկին: Վաղաժամ ծնվել է նրա դուստրը: Ինչպես հաղորդում է «Արմենպրես»-ը` վկայակոչելով CNN-ը, նորածնի անունը դեռ չեն հայտնում, սակայն հայտնի է, որ նա լույս աշխարհ է եկել Լոս Անջելեսի Cedars Sinai բժշկական կենտրոնում:

Նորածինը որպես մոդել, դերասան ու գործարար ձեռնարկներով հայտնի, Twitter-ում ավելի քան 18 միլիոն հետեւող ունեցող 32-ամյա Քիմի առաջին երեխան է: Հայրը ռեփեր Քենի Ուեսթն է, ով, լրատվամիջոցների հաղորդմամբ, ընկերուհու կողքին է եղել ծննդաբերության ժամանակ: Նրանք միասին են անցած տարվանից, երբ Քարդաշյանն ամուսնալուծվեց NBA-ի խաղացող Քրիս Համֆրիսի հետ 72 օր տեւած ամուսնությունից: