Արամ Ա կաթողիկոսը հանդիպել է Լիբանանի նախագահի հետ

2 րոպեի ընթերցում

ԱՆԹԻԼԻԱՍ, 15 ՀՈՒՆԻՍԻ, ԱՐՄԵՆՊՐԵՍ: Մեծի Տանն Կիլիկիո կաթողիկոս Արամ Առաջինը հունիսի 15-ին հանդիպել է Լիբանանի Հանրապետության նախագահ Միշել Սուլեյմանի հետ: Ինչպես«Արմենպրես»-ին հաղորդեցի Անթիլիասից, հանդիպմանը ներկա էր նաեւ հունիսի 12-14-ին Անթիլիասի Մայրավանքում գումարված Ազգային ընդհանուր ժողովին մասնակցող թեմակալ առաջնորդների ու ժողովականների 30 հոգուց բաղկացած պատվիրակությունը:

Վեհափառ Հայրապետը իր գնահատանքն է հայտնել նախագահին` նրա պարբերական այցելություների միջոցով միջազգային համայնքներում երկրի ղեկավարության ներկայությունն ու դերակատարությունը ընդգծելու գործում: Այդ այցելություններն ավելի են ամրապնդում Լիբանանի ու լիբանանյան Սփյուռքի հարաբերությունն ու գործակցությունը:

Խոսելով Միջին Արեւելքի կացության մասին` Արամ Առաջինը իր մտահոգություն է հայտնել հատկապես դրա ունեցած բացասական ազդեցությունը տարածաշրջանի, նաեւ` Լիբանանի վրա:

Նորին Սրբությունը ընդհանուր գծերով բացատրություններ է տվել նախագահին Ազգային ընդհանուր ժողովի,Մեծի Տանն Կիլիկիո Կաթողիկոսության եւ մեր Սուրբ Աթոռի առաքելության մեջդրա ունեցած կարեւոր դերի մասին:

Հանրապետության նախագահը իր ուրախությունն է հայտնել Վեհափառ Հայրապետին կատարած արժևորումի ու գնահատանքի համար, իր հերթին շեշտելով արտաքին աշխարհի հետ Լիբանանի հարաբերության կարեւորությունը, ինչպես նաեւ ներքին միասնականության ամրապնդման հրամայականը: Այս առիթով նախագահը նաեւ դրվատանքով է անդրադարձել լիբանանահայության ու նրա բերած կարևոր նպաստի համար Լիբանանի ծաղկման եւ բարգավաճման աշխատանքներում:

Ազգային Ընդհանուր Ժողովի ներկայացուցիչների հետ հանդիպումից անմիջապես հետո, Վեհափառ Հայրապետը պատգամավոր Հակոբ Բագրատունու ներկայությամբ առանձին խորհրդակցություն է ունեցել նախագահի հետ Լիբանանի այժմյան կացությանն առնչվող հարցերի շուրջ:

Հայերեն English

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է

Մահացել է մեքսիկական «Գվադալահարա» թմրակարտելի հիմնադիր Ֆելիքս Գալյարդոն