368.52
Հռոմի Ֆրանցիսկոս պապը հանդիպել է Բենեդիկտոս 16-րդ-ին
1 րոպեի ընթերցում
ԵՐԵՎԱՆ, 23 ՄԱՐՏԻ, ԱՐՄԵՆՊՐԵՍ: Պատմության մեջ առաջին անգամ կայացել է Հռոմի կաթոլիկ եկեղեցու ներկա եւ նախկին ղեկավարների հանդիպումը: Ինչպես հաղորդում է «Արմենպրես»-ը` վկայակոչելով «ՌԻԱ Նովոստի»-ն, մարտի 23-ին Հռոմի Ֆրանցիսկոս պապը ուղղաթիռով ժամանել է պապական «Կաստելհանդոլֆո» ամառանոց եւ հանդիպել Հռոմի նախկին պապ Բենեդիկտոս 16-րդ-ին, ով ներկայում պատվավոր պոնտիֆիկոսի կոչում ունի:
Երկու հոգեւոր այրեր ժամանել են «Կաստելհանդոլֆո» դղյակի «Առաքելական» պալատ, որի գրադարանում այժմ ընթանում է նրանց առանձնազրույցը: Զրույցից հետո Ֆրանցիսկոսը եւ Բենեդիկտոս 16-րդ-ը կճաշեն:
Բենեդիկտոս 16-րդը ինքնակամ հրաժարվել էր պապական գահից: Մարտի 13-ին Հռոմի նոր պապ է ընտրվել արգենտիացի կարդինալ Խորխե Մարիա Բերգոլիոն, ով ընդունել է Ֆրանցիսկոս անունը:
Բաժանորդագրվեք մեր ալիքին Telegram-ում