368.52
Հռոմի Ֆրանցիսկոս պապը կոչ Է արել ամրապնդել խաղաղությունն ու ժողովուրդների բարեկամությունը
1 րոպեի ընթերցում
ԵՐԵՎԱՆ, 22 ՄԱՐՏԻ, ԱՐՄԵՆՊՐԵՍ: Հռոմի Ֆրանցիսկոս պապը Սբ. Աթոռին առընթեր հավատարմագրված արտասահմանյան պետությունների դեսպանների հետ մարտի 22-ին կայացած հատուկ ունկնդրության ժամանակ կոչ Է արել ամրապնդել խաղաղությունը եւ բարեկամության ու եղբայրության կամուրջներ գցել ժողովուրդների միջեւ, հաղորդում Է «Արմենպրես»-ը՝ հղում անելով ՌԻԱ Նովոստիին:
«Ես ցանկանում եմ, որ մեր երկխոսությունը օգնի կամուրջներ հաստատելու բոլոր մարդկանց միջեւ, եւ որ յուրաքանչյուր ոք մյուսի մեջ տեսնի ոչ թե թշնամու, ոչ թե մրցակցի, այլ իր եղբորը, որին պետք Է ընդունի ու գրկի»,-հայտարարել Է քահանայապետը:
Հռոմի Ֆրանցիսկոս պապը նշել Է, որ խաղաղության ամրապնդման գործում հսկայական Է կրոնի դերը, քանի որ, մոռանալով Աստծո մասին, դժվար Է կապ հաստատել մարդկանց միջեւ: Նա հորդորել Է ակտիվացնել երկխոսությունը տարբեր կրոնների, մասնավորապես, քրիստոնյաների եւ մուսուլմանների միջեւ: Բացի այդ, քահանայապետն ընդգծել Է հավատացյալների եւ ոչ հավատացյալների միջեւ կարծիքների ավելի ակտիվ փոխանակման կարեւորությունը:
Բաժանորդագրվեք մեր ալիքին Telegram-ում