Կապանը նշեց 97-րդ առանձին մոտոհրաձգային բրիգադի 20-ամյակը

2 րոպեի ընթերցում

ԿԱՊԱՆ, 12 ՀՈՒՆՎԱՐԻ, ԱՐՄԵՆՊՐԵՍ:Կապանում հունվարի 12-ին անցկացվեց համաքաղաքային միջոցառում` նվիրված Պաշտպանության նախարարության 97-րդ առանձին մոտոհրաձգային բրիգադի 20-ամյակին: Տոնական միջոցառումը մեկնարկեց քաղաքում տեղակայված N զորամասից, որտեղ անցկացվեց հանդիսավոր զինվորական միտինգ: Իրենց ելույթներում բարձրաստիճան զինվորականները ներկայացրին բրիգադի անցած հերոսական մարտական ուղին, նշեցին, որ բրիգադն արժանացել է «Մարտական խաչ» առաջին աստիճանի մեդալի:«Արմենպրես»-ի հաղորդմամբ՝ զինվորական միտինգի ընթացքում զորամասի հետախուզական վաշտի զինվորները ցուցադրեցին իրենց հնարքները: Այնուհետեւ միջոցառման մասնակիցները Բաղաբուրջի հուշահամալիրում հարգեցին բրիգադի զոհված մարտիկների հիշատակը, թարմ ծաղիկներ դրեցին նրանց շիրիմներին: Հանդիսավոր նիստի ժամանակ, որը տեղի ունեցավ Կապանի մշակույթի կենտրոնի մեծ դահլիճում, մանրամասն ներկայացվեց 97-րդ առանձին մոտոհրաձգային բրիգադի մարտական ուղին:

«Բրիգադը ստեղծվեց այնպիսի օրհասական պահի, երբ վտանգված էին կապանցու արժանապատվությունը, ընտանիքը, հայրենիքը: Միավորելով ինքնաբուխ ստեղծված կամավորական ջոկատներին՝ բրիգադը կարողացավ փառքով կատարել իր առջեւ դրված խնդիրը»,- ասաց Կապանի քաղաքապետ Աշոտ Հայրապետյանը, ով նույն բրիգադի դասակի հրամանատարիներից է եղել:

Տարիներ անց 97-րդ առանձին մոտոհրաձգային բրիգադը վերակազմավորվել է այսօր արդեն Կապանում տեղակայված N զորամասի: Նիստի մասնակիցներին իրենց շնորհավորանքի խոսքն ուղղեցին նաեւ բրիգադի առաջին հրամանատար գեներալ-լեյտենանտ Միքայել Գրիգորյանը, Պաշտպանության նախարարի խորհրդական գեներալ-լեյտենանտ Մուրազ Սարգսյանը, Սյունիքի մարզպետ Սուրիկ Խաչատրյանը, ով եւս ծառայել է բրիգադում՝ որպես գումարտակի հրամանատար:

Հանդիսության ընթացքում եղավ նաեւ պարգեւատրման արարողություն. բրիգադի նախկին մարտիկները պարգեւատրվեցին ՀՀ ՊՆ եւ ԼՂՀ ՊՆ մեդալներով, թանկարժեք նվերներով, պատվոգրերով ու Կապանի քաղաքապետի շնորհակալագրերով: Հանդիսությունն ավարտվեց տոնական սեղանների շուրջ` տոնական համերգով:

Հայերեն

Շինաշխատանքներով պայմանավորված նոյեմբերի 21-ից 24-ը կփակվի Վաղարշապատ-Մասիս ճանապարհի մի հատվածը

Մեկնարկել են «Անվտանգ տարի փրկարարի հետ» իրազեկման և ուսուցման դասընթացները․ մասնակցել է ավելի քան 900 քաղաքացի

Քաղաքացիները կկարողանան եկամտային հարկից հատկացումներ կատարել ՀԿ-ներին, լրատվամիջոցներին և կուսակցություններին

Գավառ համայնքում հայտնի են «Վոլեյբոլի դպրոցականների լիգա» մրցաշարի համայնքային փուլի հաղթող թիմերը

Փաշինյանը ցավակցություն է հայտնել Թբիլիսիում պայթյունի հետևանքով զոհվածների հարազատներին

Շիրակի քրեական ոստիկանները թմրանյութի իրացումների շղթա են բացահայտել

Հայաստանում անցկացվել է ԵԱՏՄ անդամ պետությունների մաքսային ծառայությունների միավորված կոլեգիայի 56-րդ նիստը

ԵԽ ներկայացուցիչների հետ քննարկվել են մարզական մրցումների մեքենայությունների դեմ պայքարի ազգային հարթակի ստեղծման հարցերը

Հրազդանում կստեղծվի տեխնոլոգիական քոլեջ. առաջին ընդունելությունը նախատեսվում է 2027 թվականին

Թվային լուծումներ՝ մեկ էկոհամակարգում․ IDBank-ը՝ DigiTec 2026-ում